په کابل کې د روسیې سفارت په یوه ټویټ کې ویلي چې د دغه هېواد د ولسمشر ولادیمیر پوتین د حکم پر اساس په کابل کې په یوه تروریستي پېښه کې وژل شوي دوه ډیپلوماټانو ته د زړورتیا مډالونه ورکړل شوي دي.

په کابل کې د دغه هېواد سفارت ته څېرمه د چاودنې او د دوو روسي ډيپلوماټانو د وژل کېدو په غبرګون کې د روسيې د بهرنيو چارو وزير سرګي لاوروف ويلي، مسکو هيله لري چې د دغه ترهګريز بريد عاملين ډېر ژر وپېژندل شي.