د سوداګرۍ او صنایعو وزارت سرپرست نورالدین عزیزي ننګرهار ولایت ته د سفر پر مهال وویل چې اسلامي امارت هڅه کوي په افغانستان کې سوداګرو او صنعتکارانو ته اسانتیاوې برابرې کړي.

په هغې غونډه کې چې د رئیس الوزرا د اقتصادي مرستیال په مشرۍ له صنعتکارانو او کسبګرو څخه د ملاتړ په موخه جوړه شوې وه، پرېکړه وشوه چې د اسلامی امارت اماراتو ادارې دې د ملاتړ په هدف د پېر او تدارک په بهیر کې کورنیو تولیداتو ته لومړیتوب ورکړي.

د اطلاعاتو او کلتور وزارت د نشراتو معين مولوي مهاجر فراهي په کابل کې د "میله بازار د نقاشۍ او لاسي صنايعو" د نندارتون د پرانيستې پر مهال وويل، چې دغه وزارت له صنعتکاران او هنرمندانو ملاتړ کوي او هم کلتوري او هنري نندارتونونه جوړوي.

د "زموږ هیواد، زموږ تولید" په نندارتون کې د کورنیو تولیدي شرکتونو مسوولین وايي، چې د اسلامي امارت حکومت په تیر یو نیم کال کې له سوداګرو او صنعتکارانو سره تر ټولو زیاتې مرستې کړې دي، خو د بریښنا د نشتوالي او بې کفایتۍ له امله نورو هېوادونو ته د کورنیو تولیداتو صادرول د سوداګرو له ستونزو څخه دي.

سوداګر او صنعتکاران "د افغانستان د داخلي تولیداتو د پیاوړتیا په دیارلسم نړیوال نندارتون د خپلو تولیداتو د معرفي کولو لپاره ګټور بللي؛ خو دوی د خپلو محصولاتو د خرڅلاو لپاره د بازار له نشتوالي شکایت کوي او وايي چې حکومت باید هڅه وکړي تر څو دوي ږکولاي شي خپل تولیدات بهر ته صادر کړي.

د مزارشریف ښاروال وایي، د اسلامي امارت حکومت تل هغو سیمو ته چې صنعتي ښارګوټي موقعیت لري ځانګړې پاملرنه کوي او له سوداګرو او صنعتکارانو سره همکاري کوي او د یادو ښارګوټو د ستونزو د حل په موخه هر ډول وړاندیز مني.