د بدخشان سیمه ییز چارواکي وايي، څو شېبې وړاندې د دغه ولایت د امنیه قوماندانۍ د دروازې مخې ته د موټر بم چاودنه شوې، چې له امله یې تر اوسه ۳ تنه وژل شوي او ۳ نور ټپیان دي، چې روغتون ته لېږدول شوي دي.

د جوزجان ولايت د فيض آباد ولسوالۍ د ګرجک سيمې اوسېدونکي د روغتيايي خدمتونو، برېښنا، د څښاک د پاکو اوبو، سړکونو او پوهنې له نشتوالي شکايت کوي.

د بدخشان سيمه ييز چارواکي وايي، د دغه ولايت له مرکز څخه يې د غصب شويو ځمکو د بېرته راګرځولو لړۍ پيل کړې او د ټولو دولتي ځمکو د بېرته راګرځولو هڅې کوي.

د جوزجان سیمه ییز چارواکي وايي، په فیض اباد ولسوالۍ کې له اور لګېدو وروسته د دغه ولایت په خواجه دو کوه ولسوالۍ کې د اور لګېدنې دوه نورې پېښې هم ثبت شوې دي.

د جوزجان د فیض آباد ولسوالۍ په بالا مردیان کلي کې د اورلګېدنې له دوام وروسته د دغه ولایت سیمه‎ییز چارواکي وايي چې له دغې ولسوالۍ ۸۰۰ کورنۍ کډه شوې دي. خو د دې ولسوالۍ عامه سرچينې وايي، چې د شاوخوا دوه زره کورنيو په ګډون ټول خلک له دې ولسوالۍ وتلي، پرته له هغو کورنيو چې د موټر کرايه يې نه درلوده.