د سرپل ولايت د امنيې قوماندانۍ وياند وايي: له بده مرغه د سرپل ولايت د سانچارک ولسوالۍ په تغايخواجه کلي کې يو شمېر ماشومانو له يوه ناچاوده لاسي بم سره لوبې کولې چې هغه پر دوی چاودنه کړي.

د جوزجان ولایت چارواکي وايي، د دغه ولایت د غور تیپه ولسوالۍ کې د نجونو د یوه لومړني ښوونځي په ټولګي کې د لاسي بم د چاودنې له امله دوه زده کوونکي وژل شوي او څلور نور زده کوونکي ټپیان شوي دي.

د بدخشان سیمه ییز چارواکي وايي، د دغه ولایت په تګاب کشم ولسوالۍ کې د تېرو جګړو څخه پاتي شوي یوه لاسي بم د چاودنې له امله دوه ماشومان وژل شوي او پنځه نور ټپیان شوي دي.

د تخار ولایت سرچینې او سیمه ییز چارواکي د تالقان ښار د تبادلې په بازار کې د لاسي بم د چاودنې خبر ورکوي. د دوی په خبره، په دې پېښه کې یو تن وژل شوی او درې نور ټپیان شوي دي. خو پولیس یوازې د ۳ کسانو د ټپي کېدو پخلی کوي.