د بامیان ولایت سیمه ییز چارواکي وايي، د کرنې، اوبولګولو او مالدارۍ وزارت له لوري د څه باندې ۱۴ میلیونه افغانیو په لګښت د دغه ولایت په شپږو ولسوالیو کې د شپږ بندونو د جوړولو چارې پیل شوې.

په غزني، هرات، نیمروز او بادغیس ولایتونو کې د اسلامي امارت سیمه ییز چارواکي وايي، د ګڼو پرمختیايي پروژو کارونه بشپړ شوي او د کار په بدل کې یې پر کارګرو نغدي پیسې ویشلي دي.

د فواید عامې وزارت وايي، چې په ۱۴۰۲ کال کې یې په ټول افغانستان کې د دوه میلیارد او ۱۷۱ میلیونو افغانیو په ارزښت د ساتنې د ۹۰ پروژو کار پیل کړی او تمه ده چې ډېری یې د روان کال تر پایه بشپړې شي.