د اسلامي امارت د ملي دفاع وزارت ویاند وايي چې اوس د ملي دفاع وزارت ټولو ځواکونو ته یونیفورم ویشل شوی او یونیفورم یې اغوستی دی، په وینا یې که د دغه وزارت ځواکونه د پوځي یونیفورم په اغوستلو کې غفلت وکړي، نو دوی به د قوانینو پر بنسټ مجازات کیږي.

د هېواد اوسېدونکي وايي، چې امنيتي ځواکونو ته د ملي دفاع او کورنيو چارو وزارتونو له خوا د ځانګړو پوځي يونيفورمونو له وېش سره سره يو شمېر دغه ځواکونه په شخصي جامو کې په کابل ښار کې لیدل کیږي، چې له امله يې غله او نور غیر مسؤل کسان ګټه پورته کړي.