جلال آباد ښار کې مستوفیت ودانۍ باندی وسله والو برید

د وسله والو بریدکوونکو او افغان امنیتي ځواکونو ترمنځ جګړه لا روانه ده.
د ننګرهار د والي ویاند عطا الله خوږیاڼي وایی،چې تراوسه د برید له ځایه شپږ مړي او تر دیرشو ټپیان روغتون ته لیږدول شوي دي.
د ننګرهار ولایتي چارواکي وايي، د دغه برید په پیل کې د مستوفیت د ودانۍ مخې ته لومړی یو بریدګر د چاودیدونکو توکو ډک موټر ته چاودنه ورکرې او بیا د بریدکوونکو او افغان امنیتي ځواکونو ترمنځ نښته پیل شوې، چې لا روانه ده.
امنیتي چارواکي وايي، یو بل بریدګر هم افغان ځواکونو سره په جګړه کې وژل شوی دی.
تراوسه کومې ډلې د دغه برید مسولیت نه دی اخیستی.