د اقتصادي چارو یو شمېر کارپوهان د امریکا د سولې انسټیټیوټ وروستی راپور ردوي او وايي، چې په تېرو دوو کلونو کې د اسلامي امارت په اغېزناکو پروګرامونو سره د افغانستان اقتصاد له سقوط څخه ژغورل شوی دی.

د افغانستان د اقتصادي شاخصونو په اړه د نړیوال بانک د وروستي راپور له خپرېدو وروسته؛ اقتصادي کارپوهان وايي چې په هېواد کې د انفلاسیون منفي نرخ د نرخونو په کنټرول او د افغاني اسعارو د ثبات په ساتلو کې د اسلامي امارت د اقتصادي پالیسیو پایله ده.

اقتصادي کارپوهان د پانګوالو د ملاتړ په برخه کې د اسلامي امارت د تګلارې ستاینه کوي او وايي چې دغه اقدام په تیر یو نیم کال کې په ملیونونو ډالره کورنۍ او بهرنۍ پانګونه په هیواد کې جذب کړې ده.

اقتصادي کارپوهان وايي چې د اسلامي امارت ملاتړو سیاستونه په تیر یو نیم کال کې کورني او بهرني پانګوال راجلب کړي دي.

کارپوهان وايي، د امریکا له خوا د افغانانو د بهرنیو اسعارو د زېرمو بندول د هرې ورځې په تېرېدو د هېوادوالو پر ژوند منفي اغېز کوي، ځکه سوداګریزې راکړې ورکړې کمېږي او د هېواد د بانکونو له لارې د اسعارو راکړه ورکړه محدودېږي.

یو شمېر کارپوهان په دې باور دي چې د هېوادوالو له خوا په ورځنيو راکړو ورکړو کې له بانکنوټونو څخه فزیکي استفاده او همدارنګه د پیسو سمې زېرمې ته د خلکو نه پاملرنه د دې لامل شوې چې بانکنوټونه له کاره ولویږی او مرکزي بانک باید نوې پیسې وویشي.

په ورته وخت کې چې د هېواد یو خصوصي بانک ته د ۴۰ میلیونو ډالرو مرستې بسته رسېدلې، اقتصادي کارپوهان ټینګار کوي چې دا پیسې باید د «اسلامي امارت» له لارې مصرف کړل شي.

د اقتصادي چارو کارپوهان وايي چې د هېواد په بازارونو کې د افغاني بانکنوټونو فزيکي استعمال او د چاپ پر مهال د بې کيفيته موادو کارول د دې لامل شوي چې دغه پيسې ژر له منځه ولاړې شي او په سوداګرۍ کې د جنجال لامل شي.