د رئیس الوزرا سیاسي مرستیال مولوي عبدالکبیر د افغانستان د تعلیمي او تحصیلي بنسټونو د اصلاح په ملي کنفرانس کې وویل، چې اسلامي امارت د دیني علومو ترڅنګ د عصري علومو پیاوړتیا ته ژمن دی او هڅه کوي، چې یو معیاري تعلیمي او تحصیلي بنسټ رامنځته کړي.

د رئیس الوزرا د دفتر سیاسي مرستیال د «کابل د علماوو شورا او د دیني مدارسو له یو شمېر استادانو» سره په کتنه کې وویل چې اسلامي امارت د پوهنې وزارت په چوکاټ کې دیني مدرسو ته ځانګړې پاملرنه کوي.

د رئیس الوزرا سياسي مرستيال مولوي عبدالکبير په کابل کې د روسيې د عالمانو له پلاوي سره په کتنه کې وويل چې له روسيې څخه د افغانستان غوښتنه دا ده چې له ديپلوماتيکو اړيکو نه راضي شي او له ګاونډيو هيوادونو سره يوځاى اسلامي امارت په رسميت وپيژني.