د مزارشریف ښاروال وایي؛ موږ د حقایقو د خپرولو په اصولو باور لرو او هیله لرو چې رسنۍ او خبریالان حقایق له پامه ونه غورځوي او دروغجن تبلیغات ونه کړي.

د مزارشريف ښاروالۍ مرستيال د ښار په اوومه ناحيه کې د ۱۳ کارته اماني سړک د کانکريټ د پرانيستې په مراسمو کې وويل، چې د مزارشريف ښاروالۍ له عوايدو به په امانتدارۍ سره په دې برخه کې کار وشي. د ښاري خدمتونو وړاندې کول او د سړکونو جوړول، او پلان دا دی چې د مزارشریف ټولې سیمې تر پوښښ لاندې راولي او د ښاروالۍ له خدمتونو څخه برخمن شي.

د مزارشريف ښاروال وايي، په دغه ښار کې ۱۵۴ قانوني او تر ۱۸۰ ډېر غير قانوني هستوګنځایونه شته، چې له بده مرغه د ښاروالۍ له خدمتونو بې برخې پاتې دي او ډېر ژر به د ښار د پاکولو چارې او د غضب شویو خمکو د پېژندنه به پيل شي.

د مزارشريف ښاروالۍ چارواکي وايي، چې د دغه ښار په مرکز کې يې د خوراکي توکو د پلورلو دوه لوی مرکزونه د تاريخ تېر خوراکي توکو د پلور له امله تړلي دي.

د مزارشريف ښاروال وايي، چې د تېر کال په پرتله د دغه رياست عوايد زيات شوي دي. دده په وینا؛ د اټکل له مخې، د مزارشريف ښاروالۍ بايد سږ کال ۵۱۲ ميليونه افغانۍ عوايد ترلاسه کړي وای، خو دوی توانېدلي چې په شفافيت سره دغه عوايد ۷۵۲ ميليونه افغانيو ته لوړ کړي.

د مزارشريف ښاروالۍ رياست د يوې خبري ناستې په ترڅ کې اعلان وکړ، چې د دغه ولايت ټول هټيوال، هوټلونه او سوداګر مکلف دي، چې د پېر او پلور په برخه کې د ښاروالۍ له اصولو سره سم عمل وکړي.