د هرات ښاروالۍ مسوولين وايي، چې د دې رياست کارکوونکي هره اوونۍ په دوو شفټونو کې د هرات ښار له سطحې څخه ٢٥٠٠ متر مکعب کثافات راټولوي او خوندي ځاى ته يې لېږدوي او په تخنيکي او مسلکي ډول يې خښوي.

د هرات ښاروالۍ رياست مسوولين وايي، چې د دغه رياست عوايد د تېر کال په پرتله په ۱۴۰۱ لمريز کال کې ۵۶ سلنه زيات شوي او په دې موده کې د نوي کال له پيل سره سم ۵۴ لويې پروژې بشپړې شوې دي.

د هرات ښاروالۍ رياست د ښار په کچه په نشه يي توکو د روږدو کسانو د راټولولو په موخه د خلکو د مرستې د ترلاسه کولو په موخه پرون (شنبه، جدی ١٧) د سيمه ييزو مسئولينو او وکيلانو په شتون کې په دې برخه کې د لومړي ګام د پورته کولو په موخه غونډه وکړه.

د هرات د ښاروالۍ رياست مسوولين وايي، چې په تېر کال کې يې د استوګنې د کورونو، سوداګريزو او صنعتي ځايونو له پاکولو، د بيلونو او اعلاناتو، د ښاروالۍ د ملکيتونو، د ښار په کچه د تشنابونو، د پارکونو د کرايې او پارکينګ له لارې څه باندې څلور سوه ميليونه افغانۍ عوايد راټول کړي دي.