د لغمان ولایت د کډوالو چارو ریاست چارواکي وايي، په دغه ولایت کې د ملګرو ملتونو د کډوالو چارو ادارې په مالي مرسته د څه باندې ۶۰ میلیونه افغانیو په مالي لګښت د ۱۷۷ راستنېدونکو، بې ځایه شویو او اړمنو کورنیو لپاره د دایمي سرپناه د جوړېدو چارې پیل شوې.

د هرات ولايت د کډوالو او راستنېدونکو چارو رياست چارواکي وايي، چې په ۱۴۰۱ کال کې يې په دغه ولايت کې څه باندې ۲۳ زره بې ځايه شويو کورنيو ته د ۹۰ ميليونه افغانيو په ارزښت مرستې وېشلې دي.

د بلخ ولایت سیمه‎ ییز چارواکي وايي، په ۱۰۰۰ داخلي بې ځایه شویو کورنیو یې د برېښنا د تولید وسایل (سولر پینل) وېشلي دي.