د اسلامي امارت د اقتصاد وزارت سرپرست دین محمد حنیف د یوناما له مرستیال او د ملګرو ملتونو د مرستندویه ادارو له یو شمېر مسوولینو سره په کتنه کې وویل، له پاکستان څخه د افغان کډوالو جبري ایستل د ټولو اصولو خلاف کار دی.

د مهاجرت نړيوال سازمان وايي، په تېرو شپږو مياشتو کې د مديترانې د اوبو په مرکزي برخه کې تر ۱۰۰۰ ډېر مهاجر مړه شوي دي، چې دا د ۲۰۲۲ کال په پرتله د مهاجرو د مړينې زياتوالی ښيي.

په اسټرالیا کې د ملا امامانو ټولنې د نیو ساوت ویلز پولیسو لخوا د دوه افغانو مېرمنو د ځورونې پېښه غندلې او اندېښنه یې پرې ښودلې ده. په یوه ویډیو کې چې تازه خپره شوې، د سډني د نیو ساووت ویلز دوه پولیس افسران د یوې ۲۴ کلنې افغانې موټر دروي او ورسره په موټر کې ناسته مور یې هم ځوروي. دغه افسران لیدل کېږي چې افغانې نجلۍ ته وايي: (( له ماسره مینه مه کوه،...

د ترکيې د کورنيو چارو وزير، سليمان سويلو په استانبول کي د يوې خبري ناستې پر مهال ویلي، چي د روان ميلادي کال له پيل راهيسې، څه د پاسه ۴۲ زره افغان مهاجر په غيرقانوني ډول دغه هيواد ته ورغلي دي.

آلمان د ۲۲ ځل لپاره ځینی افغان پناه وړونکې په ډله ایز توګه د یو چارتر الوتکې په مرسته ویستل. ددی پناه وړونکو لیږدوونکې الوتکه نن چهارشنبه سهار کابل هوایی ډګر ته ورسید.

ناروې او پرتګال هیوادونو په دې وروستیو کې یوه هوکړه کړې چې پر بنسټ به یې پرتګال د ناورې د ۱۰۰۰ تنو ګډوالو د پناه غوښتنې غوښتلیکونه مني، پرتګال هم دغو پناه غوښتونکو ته د پناه ورکولو په اړه تیاری ښوولی دی.

په تیر میلادی کال کې نږدی یو لک او ۷ سوه افغانانو ته په اروپا کې پناه ورکړل شوی ده.