په اسلام آباد کې د افغانستان په سفارت کې د یو لړ مراسمو په ترڅ کې د اسلامي امارت د بهرنیو چارو وزارت سرپرست امیر خان متقي وویل چې د اسلامي امارت نظام جامع دی او د افغانستان ټول قومونه په کې ونډه لري.

امیرخان متقي؛ د هېواد د بهرنیو چارو وزارت سرپرست، ملت ته د حکومت د حساب ورکونې په کنفرانس کې وویل چې د هېواد په آسمان کې د امریکا د بې پیلوټه الوتکو الوتنه د دوحې د هوکړې خلاف عمل او د افغانستان له فضایي حریم څخه سرغړونه ده او امریکا باید د دې کار مخه ونیسي. هغه یو ځل بیا وویل: چې اوسنی حکومت "ټول شموله" دی او د ټولو قومونو استازي په کې شتون لري.

د ازبکستان د بهرنیو چارو وزارت سرپرست وايي، د اسلامي امارت پلاوی به په تاشکند کې د افغانستان په اړه په نړیواله غونډه کې ګډون وکړي.

د پاکستان د بهرنیو چارو وزیر تهران ته د خپل سفر پر مهال له خپل ایراني سیال سره د افغانستان په اړه خبرې کړې دي. دواړو لورو نن (د غبرګولي ٢٤مه) په تهران کې په يوه خبري ناسته کې ټينګار وکړ، چې په افغانستان کې د يوه ټول شموله حکومت پر جوړېدو ټينګار کوي او په دې برخه کې به د افغانستان له ټولو خواوو سره عامه اړيکې تعقيبوي.