د اسلامي امارت د کانونو او پټرولیم وزارت اعلان کړی، چې سوداګرو ته د اسانتیاوو د برابرولو او د لا زیاتو پانګوالو د هڅونې په موخه یې د هر ټن ډبرو سکرو د صادراتو ګمرکي محصول له ۴۵ ډالرو څخه ۳۰ ډالرو ته راټیټ کړی دی.

د اسلامي امارت ویاند ذبیح الله مجاهد د روژې د مبارکې میاشتې د رارسیدو په مناسبت په ځینو خوراکي توکو د تعرفې د کمولو اعلان وکړ. د دې پر بنسټ، د پتاټو، روميانو ، مڼو، خرما او هندواڼو په ګډون پر شپږو خوراکي توکو ګمرکي محصول له ۱۷ څخه ۸۰ سلنې ته راټيټ شوی دی.