د کابل د ترافيکو د عمومي رياست چارواکي وايي، د نوي حکومت له جوړېدو وروسته په دې رياست کې د "کمیشن کاري" او د پيسو اخيستل صفر ته رسېدلي دي. دوی دا هم وايي چې د دغه ریاست د پلان له مخې به ډېر ژر د کابل ښار ټول څلور لارې په پرمختللو ترافیکي سراغونو سمبال شي.

د کندهار ښاريان د ترافيکي نظم له رامنځته کيدو او د دغه ولايت د ترافيکو رياست له خدمتونو څخه خوښي څرګندوي او وايي چې د ترافيکي څراغونو په نصبولو سره ښاري نظم زيات شوى دى.

د هرات ښاروالۍ مسئولين وايي، د ښاري نظم د ښه والي او د ترافيکي پېښو د کمښت په موخه يې په هرات ښار کې ترافيکي څراغونه نصبولو او ترميمولو کار پیل کړي دي.

د کابل ښار د ترافيکو د عمومي رياست مسئولين وايي، چې له پنځلسو ورځو راهيسې يې په ښار کې د ترافيکي څراغونو د لګولو لړۍ پيل کړې او دا لړۍ به تر هغه دوام وکړي، چې د کابل ښار ۷۳ څلور لارې تر پوښښ لاندې راشي. دغه رياست له موټر چلوونکو څخه غوښتي دي چې د دغې پروژې تر بشپړيدو پورې د ترافيکي قوانينو درناوى او رعايت وکړي.