د افغانستان د ریل پټلۍ ریاست اعلان کړی چې د دې ادارې مشر ملا بخت الرحمن شرافت د روسیې فدراسیون په رسمي بلنه د استراخان په نړیوال فورم کې د ګډون په موخه د یوه پلاوي په مشرۍ روسیې ته سفر کړی دی.

د اسلامي امارت د اورګاډي ادارې مشر بخت الرحمن شرافت د سیمه ییز اتصال او د اورګاډي پټلۍ د پراختیا په اړه د خبرو په موخه ترکیې ته راغلی.

د ریل پټلۍ ادارې چارواکو په تېره میاشت کې د آقینې له پولې څخه د توکو په لېږد رالېږد کې ۲۰ سلنه زیاتوالی اعلان کړ او دا یې هم وویل چې د اسلامي امارت پلاوی د حیرتان پوله د بیا پرانیستلو لپاره ازبکستان ته سفر کوي.