په غزني ولایت کې یو شمېر کورنۍ او خلک چې د جمهوري ریاست له سقوط وروسته ګاونډیو هېوادونو ته تللي؛ په هېواد کې د نسبي سولې له راتګ سره دوی دغه ولایت ته راستانه شوي دي. دا په داسې حال کې ده چې چارواکي له هېوادوالو غواړي چې په هېواد کې پاتې شي او د افغانستان په پرمختګ کې ونډه واخلي.

د غزني والي وايي، د شريعت په چوکاټ کې به د رسنيو او خبريالانو ملاتړ کوي او هيڅوک به يې د فعاليت مخه ونه نيسي.

د کابل - غزني پر لویه لار یو شمېر مسافرین وايي، چې پر دې لویه لاره د جګړو او ناامنیو د نه شتون له امله په ډاډه زړه تګ راتګ کوي. ځايي چارواکي هم وايي، چې پر دې لويه لاره بشپړ امنيت دى او خلک د شپې پر مهال تګ راتګ کولى شي. په داسې حال کې چې دغه لاره پخوا د مرګ د لويې لارې په نوم يادېده.