داعش ترهګرې ډلې اعلان وکړ چې د بدخشان ولایت لپاره مرستیال والي نثار احمد احمدي په وړاندې د ځانمرګي برید مسولیت په غاړه اخیستی.

یوې پاکستانۍ رسنۍ ادعا کړې، چې د کابل ولایت په شکردره ولسوالۍ کې د داعش د خراسان څانګې دوه غړی له امنیتي ځواکونو سره په نښته کې وژل شوي دي.

د اسلامي امارت د استخباراتو عمومي ریاست اعلان کړی چې امنیتي ځواکونو په بلخ کې د دغې ډلې د دوهم کس په ګډون د داعش ترهګرې ډلې درې مهم غړي وژلي دي.

پوځي کارپوهان وايي چې داعش د سیمې او نړۍ د یو شمېر هېوادونو وسیله ده چې په افغانستان کې خپلو سیاسي سیالانو ته زیان رسوي. په دې اساس دغه ډله په منظم ډول هیڅ ډول سیاسي کار نه کوي او وخت په وخت د سیمې او نړۍ د ځینو هیوادونو استخباراتي کړۍ له دغې ډلې څخه د خپلو سیاسي او پوځي موخو لپاره کار اخلي.

د روسیې ورځپاڼې « نیزاویسیمایا گازیتا» د داعش خراسان ځینو فعالیتونو ته د اشارې په ترڅ کې یو راپور خپور کړی چې پاکستان یې د دغې ترهګرې ډلې د فعالیتونو اصلي مرکز بللی دی.