پاکستاني رسنیو خبر ورکړی، چې یوه ځانمرګي بریدګر د پېښور په ښار کې د پاکستاني امنیتي ځواکونو یو موټر په نښه کړی، چې دوه پاکستاني پوځیان یې وژلي او اته نور یې ټپیان کړي دي.

خبری سرچینو د قندهار ولایت د سپین بولدک په پوله کښې د اسلامی امارت د عسکرو او پاکستانی پوله ساتو ځواکونو ترمینځ د نښتې خبر ورکړی دی. ويل کيږي چې په دې نښته کې چاته زيان نه دى اوښتى.

په کندهار کې د ځينو سرچينو د معلوماتو له مخې، پاکستاني پوځيانو نن سهار (پنجشنبه، میزان ۲۸) د سپين بولدک په سرحدي سيمه کې ډزې کړي، چې په پايله کې يې يوې مېرمنې ژوند له لاسه ورکړى دى. له دغې نښتې وروسته د اسلامي امارت سرحدي ځواکونو د پاکستاني پوځیانو په وړاندې د توپونو او هاوانونو ځواب ورکړ.

د پاکستان د پوځ د رسنیو د څانګې په وینا، د خیبر پښتونخوا ایالت په شمالي وزیرستان سیمه کې د لاسي بم په چاودنه کې د دغه هېواد دوه پوځیان وژل شوي دي.

د ملي دفاع وزارت چارواکي د بدخشان د زیباک، اشکاشم، واخان او شغنان له پولو څخه د لیدنې په موخه د هېواد د وسله وال پوځ د اعلی سرقومندان د سفر خبر ورکوي. دا په داسې حال کې ده چې پاکستان ته د واخان د سپارلو په اړه آوازې وې، خو د دفاع وزارت دغه اوازې په کلکه رد کړې.