د رئیس الوزرا د اقتصادي مرستیال دفتر په یوه خبرپاڼه کې د ملا عبدالغني برادر له خوا د سرپل ولایت د امو دریا د نفتو په ساحه کې د تېلو د ۸ نویو څاګانو د پرانیستلو خبر ورکړی دی.

د رئیس الوزرا اداري مرستیال په کابل کې د پاکستان د سفارت له شارژدافیر سره په کتنه کې له دغه هېواده وغوښتل چې د افغان کډوالو د ایستلو په اړه په خپله پرېکړه له سره غور وکړي.

د رئیس الوزرا د دفتر سیاسي مرستیال ویلي، چې په نږدې راتلونکي کې به اسلامي امارت د نړیوالې ټولنې له خوا په رسمیت وپیژندل شي، ځکه د حکومت په توګه د رسمیت پیږندلو ټول شرایط یې پوره شوي دي.

د خوړو او درملو ملي ادارې مسؤلینو پرون چهارشنبه د رئیس الوزرا د اداری مرستیال مولوي عبدالسلام حنفي په حضور کې د هېواد په سویلي ولایتونو کې د خوراکي توکو د کیفیت د معلومولو په موخه د لوړ تخنیکي لابراتوار پرانیسته وکړه.

د رئیس الوزرا د اقتصادي چارو مرستیال وايي، د سوالګرو د راټولولو کمېټې تر اوسه له ټول کابل ښار څخه ۲۴ زره او ۲۷۶ سوالګر راټول کړي او دا لړۍ روانه ده.

د رئیس الوزرا اقتصادي مرستیال ملا عبدالغني برادر وايي، په تېرو دوو اونیو کې د ۷۵۰ میلیونه افغانیو په ارزښت د کابل ښاروالۍ له خوا وړاندیز شوې ۸ پروژې منظورې شوې دي.

د رئیس الوزرا د دفتر سیاسي مرستیال مولوي عبدالکبیر له یو شمېر شیعه شخصیتونو سره په کتنه کې وویل چې همدا اوس د شیعه ګانو په شمول د ټولو قومونو استازي د اسلامي امارت په حکومت کې په لوړه او ټيټه کچه خدمت کوي. دښمنان هڅه کوي چې افغانان سره ووېشي، خو هېڅکله به بریالي نه شي.

د رئيس الوزرا اداري مرستیال فاریاب ته په خپل سفر کې وویل چې د اسلامي امارت په جوړیدو سره په ټولو برخو کې شفافیت تامین شوی او د فساد، اختلاس او رشوت مخه نیول شوې ده.

د لوړو زده کړو وزارت له اعلان سره سم د پوهنتونونو د هغو استادانو د معاشونو د کمولو په پرېکړه له سره غور کړی چې په بهر کې زده کړې کوي او د دغو کسانو معاشونه به د پخوا په څېر ورکول کېږي.

مولوي عبدالسلام حنفي؛ د رئیس الوزرا اداري مرستيال له مولوي عبدالغني؛ د بدخشان والي سره لیدنه وکړه.

د رېیس الوزرا سياسي مرستيال مولوي عبدالکبير د فوټبال د ملي لوبډلې له ۱۹ کلنو لوبغاړو سره وکتل او هغوی ته يې د وياړ مبارکي وويله.

له هېواد څخه د بهرنیو ځواکونو د وتلو د لومړۍ کلیزې د نمانځلو په مناسبت د اسلامي امارت مشر وویل، چې د اسلامي امارت په راتګ سره وژنې او چاودنې پای ته ورسیدې او په ټول هېواد کې امنیت تامین شوی دی. ملا محمد حسن اخند نړیواله ټولني باندي غږ وکړ او وویل: چې فشارونه او بندیزونه به کومه پایله ونه لري.

د اسلامي امارت رئیس الوزرا پرون شنبه (اسد ۲۲) په کابل کې د یوې غونډې په ترڅ کې د اسلامي امارت د ځینو ځواکونو د ناوړه چلند او تاوتریخوالي په وړاندې خبرداری ورکړ او هغوی ته یې وویل: هر هغه دولتي چارواکی چې پر ولس رحم نه کوي، حکومت به هم پر دوی رحم ونه کړي «زه به دا په واضح ډول ټولو چارواکو ته اعلان کړم».

د اسلامي امارت د رئیس الوزرا اقتصادي مرستیال د هیواد په لسو ولایتونو کې د سیلابونو له امله په اوښتو زیانونو د خواشینۍ په څرګندولو سره د یو پیغام په خپرولو سره اړوندو ادارو ته امر کړی چې له زیانمنو سره لازمې مرستې وکړي.

د دیني عالمانو لویه غونډه نن پنجشنبه د سرطان په ۹ مه د رئیس الوزرا ملا محمد حسن اخند په وینا؛ په رسمي توګه پیل شوه.

له طبیعي پېښو سره د مبارزې وزارت چارواکي وايي، په پکتیکا، خوست او ننګرهار ولایتونو کې د سه شنبې د ورځې د زلزلې له امله د مړو شمېر ۹۲۰ ته رسېدلی او تر ۶۰۰ ډېر ټپیان شوي دي. په ورته وخت کې حکومت له قربانیانو سره د مرستې لپاره د یو میلیارد افغانیو د مرستې بسته تصویب کړې ده.