د کورنیو چارو وزارت چارواکي وايي، ترکیې او افغاني سرې میاشتې ټولنې په کابل کې په نشه یي توکو د روږدو د درملنې مرکزونو ته د سونګ موادو مرسته وکړه.

د افغاني سرې میاشتې ادارې یو کال وړاندې په پکتیکا ولایت کې د زلزله ځپلو لپاره د ۶۵ هستوګنې کورونو د بشپړولو او تحویلولو اعلان وکړ او ویې ویل: دغه د استوګنې کورونه په نویو بسترونو، غالۍ، لوښو، د لمریزې برېښنا په سیستم، خوراکي توکو او یو شمېر نورو وسایلو سمبال دي.

د ایران د اسلامي جمهوریت د سرې میاشتې ټولنې اعلان وکړ چې په تیرو وختونو کښې د مشهد ولایت د تیباد ولسوالۍ د دوغارون له ځمکنۍ پولې څخه په دوو پړاوونو کښې په افغانستان کښې د سیلابونو او زلزلو ځپلو سیمو ته څه دپاسه شپیته ټنه بشري مرستې استول شوې دي.

د افغاني سرې میاشتې ټولنې اعلان کړی چې ۵۰ هغه ماشومان چې سخت سوځېدلي وو، تېر کال د افغاني سرې میاشتې له خوا جرمني ته استول شوي وو، تر درملنې وروسته بېرته هېواد ته راستانه شول.

له طبیعي پېښو سره د مبارزې وزارت سرپرست په کابل کې د ترکیې له سفیر سره په کتنه کې وویل چې په تېرو څو ورځو کې په هېواد کې د سړې هوا له امله له سلو ډېر کسان مړه شوي او نږدې ۸۰ زره څاروي هم له منځه تللي دي.

۵۴ ناروغ ماشومان به د یوې خیریه موسسې په همکارۍ د عاجلې درملنې لپاره آلمان ته واستول شي.