د ۲۰۲۳ کال د فبرورۍ د شپږمې نیټې دوو سختو زلزلو د ترکیه او د سوریې د شمال ځینې برخې ولړزولې او په دې ورستیو ورځو کې څو نورې زلزلې هم رامنځته شول چې د وروستیو احصایو له مخې په پایله کې یې ۴۵ او ۸۹ تنه مړه شوي.

ترکیې د دې میاشتې له ویجاړونکې زلزلې وروسته د کورونو د بیارغونې کار پیل کړی، یوه حکومتي چارواکي د جمعې په ورځ وویل، په داسې حال کې چې په ترکیه او سوریه کې په ګډه د مړو شمیر له ۵۰۰۰۰ څخه ډیر شوی.

په ترکيه او سوريه کې د سختې زلزلې او د مړو او ټپيانو په شمېر کې له زياتوالي وروسته رويټرز خبري اژانس په خپلو تازه شمېرو کې د ترکيې د ولسمشر د مرستيال فوا اوکتې له قوله ليکلي، چې د دوشنبې د ورځې د زلزلې له امله د مړو شويو کسانو شمېر ۵۸۹۴ تنه او د ټپیانو شمیر ۳۴۸۱۰ تنو ته رسیدلي.

د اسلامي امارت د بهرنیو چارو وزارت اعلان کړی چې د انساني همدردۍ او اسلامي ورورولۍ پر بنسټ به په ترکیه او سوریه کې د وروستۍ زلزلې له قربانیانو سره ۱۵ میلیونه افغانۍ مرسته وکړي.

د اسلامي امارت د سیاسي چارو مرستیال مولوي عبدالکبیر د ترکیې او سوریې د وروستۍ زلزلې له قربانیانو سره د تسلیت او خواخوږۍ د پیغام په خپرولو سره د دغو هیوادونو له زلزله ځپلو سره د نړیوالې ټولنې د مرستې غوښتنه کړې ده.