د پروان ولايت د صنايعو او سوداګرۍ رياست مسوولين په دغه ولايت کې د درې ورځني نندارتون د جوړېدو خبر ورکوي او وايي، چې د درېيو ورځو لپاره په کې د کورنيو توليداتو ۱۵۰ غرفې د ليدونکو لپاره نندارې ته اېښودل شوي دي.

د "ام البلاد" تر نامه لاندې د لاسي صنایعو او کورنیو تولیداتو څلور ورځنی نندارتون د افغانستان په شمال کې د کار د نړیوال سازمان د مشر، د ایران او ترکیې د اسلامي جمهوریت د سیاسي استازو او د دغه هیواد د چارواکو په شتون سره جوړ شو. د بلخ سیمه ایز حکومت او په سلګونو نارینه او ښځینه نندارچیان او ګډونوال.

په هغې غونډه کې چې د رئیس الوزرا د اقتصادي مرستیال په مشرۍ له صنعتکارانو او کسبګرو څخه د ملاتړ په موخه جوړه شوې وه، پرېکړه وشوه چې د اسلامی امارت اماراتو ادارې دې د ملاتړ په هدف د پېر او تدارک په بهیر کې کورنیو تولیداتو ته لومړیتوب ورکړي.

په کابل کې د «ورېښمو لارې د درې ورځني نړیوال کلتوري او ترانزیتي نندارتون» په غونډه کې سوداګر او صنعتکاران وايي چې د کورنیو تولیداتو د تولیدونکو تر ټولو جدي ستونزه د برېښنا نشتوالی او د هېواد په بازارونو کې د ورته توکو واردول دي. دوی دا هم ویلي چې له سوداګرو او صنعتکارانو سره د اسلامي امارت رښتیني ملاتړ د افغانستان اقتصاد پیاوړی کړی دی.

د اسلامي امارت دبهرنیو چارو سرپرست وزیر مولوي امیرخان متقي له کورنیو او بهرنیو سوداګرو او پانګوالو سره په کتنه کې اعلان وکړ چې اسلامي امارت چمتو دی چې د افغانستان د کانونو په برخه کې له خپلو اقتصادي شریکانو سره ګډ کار وکړي.

د اسلامي امارت د سوداګرۍ او صنایعو وزارت معین مولوي قدرت الله جمال د هرات ولایت له صنعتي پارک څخه د لیدنې پر مهال وویل چې د هیواد اتباع باید له کورنیو تولیداتو څخه په استفادې د افغانستان په وده او آبادۍ کې ونډه واخلي.

د دایکندي ولایت د محلي تولیداتو دوه ورځنی نندارتون د آغاخان بنسټ له خوا د دغه ولایت د سیمه ییزې ادارې په همکارۍ د نیلي په ښار کې پرانیستل شو.

د سه شنبې په ورځ (جوزا ۲۳) په کابل کې د درملو، طبي وسایلو او کورنیو روغتیايي محصولاتو یو نندارتون پرانیستل شو.

د افغانستان د صنعتکارانو اتحادیې چارواکي وايي، راتلونکې اوونۍ به د ملي صنعت اوونۍ په مناسبت د هېواد په کچه ستر صنعتي نندارتون جوړ شي.

د صنایعو او سوداګرۍ وزارت سرپرست نورالدین عزیزي د فراه ولایت له سوداګرو سره په کتنه کې له هېوادوالو وغوښتل چې له کورنیو تولیداتو ګټه واخلي، څو د هېواد کورني بازار او تولیدات لا وده وکړي.

د کابل ښاروالۍ مسوولینو د " ارزانو کورنیو تولیداتو او تولیداتو بازار" د لس ورځني نندارتون د پرانېستې په مراسمو کې وویل، کابل ښاروالۍ د نندارتونونو په جوړولو کې له سوداګرو او صنعتکارانو سره هر ډول همکارۍ ته چمتو ده.

د افغانستان د صنایعو او سوداګرۍ وزارت وايي، چې په ۱۴۰۱ لمریز کال کې د پانګونې په برخه کې د ښځو حضور د تېر کال په پرتله ۶۶ سلنه زیات شوی، چې د کورنیو خوراکي خوندیتوب یې هم زیات کړی دی.

په مزارشريف ښار کې د هېواد د اوو ولايتونو د کورنيو توليداتو نندارتون د درېيو ورځو لپاره پرانيستل شو. په دغه نندارتون کې په ۱۰۰ غرفو کې بېلابېل کورني تولیدات نندارې ته ایښودل شوي دي.

د سوداګرۍ او صنایعو وزیر هرات ولایت ته د یوه سفر په ترڅ کې د دغه ولایت د سوداګرو ستونزې وڅېړلې او د حل ژمنه یې وکړه. نوموړي د دې په څرګندولو سره چې اسلامي امارت کورنیو تولیداتو ته لومړیتوب ورکوي، ټینګار وکړ چې مسؤلین یې هڅه کوي چې سوداګرو ته لازمې اسانتیاوې برابرې کړي.

د هېواد د تولیدي فابریکو یو شمېر مسئولین له اسلامي امارت غواړي چې د خپلو کورنیو تولیداتو د ودې لپاره زمینه برابره کړي، خو د افغانستان د صنایعو او سوداګرۍ وزارت وايي چې د اسلامي امارت کابینې د کورنیو تولیداتو د ملاتړ پرېکړه کړې ده.

د سوداګرۍ او صنایعو وزارت چارواکي وايي، د اسلامي امارت د کابینې د پرېکړې پر اساس ټول دولتي ادارې مکلفې دي، چې له کورنیو تولیداتو څخه څومره چې ممکنه وي ګټه واخلي.

د "زموږ هیواد، زموږ تولید" په نندارتون کې د کورنیو تولیدي شرکتونو مسوولین وايي، چې د اسلامي امارت حکومت په تیر یو نیم کال کې له سوداګرو او صنعتکارانو سره تر ټولو زیاتې مرستې کړې دي، خو د بریښنا د نشتوالي او بې کفایتۍ له امله نورو هېوادونو ته د کورنیو تولیداتو صادرول د سوداګرو له ستونزو څخه دي.

د اسلامي امارت مسؤلینو په کابل کې د «امام ابوحنیفه رحمه الله د ملي او نړیوال نندارتون» د پرانیستې په مراسمو کې د خصوصي سکټور او د هېواد د کورنیو تولیداتو په ملاتړ ټینګار وکړ او ویې ویل چې کورني او بهرني پانګوال باید په افغانستان کې پانګونه وکړي.

د بلخ ولایت د صنعت، سوداګرۍ او پانګونې خونې له خوا د کار نړیوال سازمان په همکارۍ په مزارشریف ښار کې د سوداګرو ښځو په پراخ حضور سره د کورنیو تولیداتو او د پوهې د شریکولو یو ستر نندارتون جوړ شو.