په افغانستان کې د ایټالیا سفارت شارژدافیر د اسلامي امارت د عامې روغتیا وزارت له سرپرست سره په کتنه کې د افغانستان له طبي سکتور سره د خپل هېواد د مرستو د دوام ډاډ ورکړ.

په ایټالیا کې د روم ګڼو اوسېدونکو د لوړې بیې او اقتصادي انفلاسیون له امله مظاهرې وکړې.

د ایټالیا یوې خیریه موسسې اعلان کړی چې د کډوالو یوه کښتۍ چې له ۵۰۰ مسافرو سره له لیبیا څخه ایټالیا ته روانه وه، د تخنیکي ستونزو له امله د مدیترانې په اوبو کې ډوبه شوې ده.

د ملګرو ملتونو د بشري مرستو د همغږۍ دفتر (OCHA) وايي، ایټالیا له افغانستان سره د بشري مرستو له صندوق سره پنځه میلیونه یورو مرسته کړې ده.

د ايټاليا او ملګرو ملتونو چارواکو اعلان وکړ چې جرمني د جنوبي ايټاليا په سواحلو کې د ډوبې شوې بېړۍ د ۳۲ ژوندي پاتې شويو کسانو پناه منلې ده.

په بلغاریا کې په یوه کانټینر کې د ۱۸ افغان کډوالو د وژل کېدو ترخې او دردونکې پېښې وروسته دا ځل د ایټالیا په سویل کې د یوه کښتۍ د ډوبېدو له امله له دغه هېواد څخه د ډېرو کډوالو د مړینې پېښې خلک ژور اغېزمن کړي دي. د وروستیو راپورونو له مخې د ایټالیا په سویل کې د یوې بېړۍ د ډوبېدو په پېښه کې د ۱۴ ماشومانو په ګډون د وژل شویو افغانانو شمېر ۷۸ ته ورسېد.

په ايټاليا کې د افغانستان سفارت وايي، د ايټاليا په سوېل کې د کروتون په ښار کې د ډوب شويو کډوالو د هويت تر تاييد وروسته، تر اوسه د وژل شويو افغانانو له ډلې ٣٢ يې پېژندلي دي.

د ایټالیا د بهرنیو چارو وزارت اعلان کړی، چې د ایټالیا په جنوبي اوبو کې د کډوالو د یوې کښتۍ د ډوبېدو په پېښه کې د ښځو او ماشومانو په ګډون شاوخوا ۸۰ افغانان وژل شوي دي. دغه وزارت له نړیوالو سازمانونو په ځانګړې توګه له سره صلیب څخه غوښتي چې په دې پېښه کې د ډوب شویو افغانانو جسدونه وپلټي او را انتقال کړي.

نړیوالو خبري آژانسونو خبر ورکړی چې د ایټالیا په ختیځ ساحل کې د کډوالو د یوې کښتۍ د ډوبیدو له امله لږ تر لږه ۳۳ تنه مړه شوي دي.

په داسې حال کې چې سړه هوا په رارسېدو ده او د انرژۍ بحران مخ په ډېرېدو دی او پر اروپا د روسیې د ګازو بندیزونه دوام لري، ایټالیا د اروپايي ټولنې له خوا د ګازو د بیې ټاکل بسنه نه کوي او له ۱۴ نورو غړو سره به یې رد کړي.

ايټالوي چارواکي وايي، دغه هېواد به د افغانستان په تاريخي او لرغونو سيمو کې نيمګړې پروژې بيا پيل کړي.

د ایټالیا د بهرنیو چارو وزیر د اوکرایین د محاصرې له امله د نړۍ د ډوډۍ د جګړې د پیل اعلان وکړ.

ايټالیا کې د وروستیو توپانونواو سېلابونو له امله د وژل شویو کسانو شمېر وروسته تر هغه ۲۹ تنو ته لوړ شو چې کله نن يکشنبه په سسيلي ټاپو کې د خرابې هوا له امله۱۲ تنه ووژل شول.