د لغمان ولایت سیمه ییز چارواکي وايي، د دغه ولایت په بادپخ ولسوالۍ کې د تېرې شپې د ورښتونو، بارانونو او سېلابونو له امله کروندګرو ته درانه مالي زیانونه اوښتي دي.

د غزني سیمه ییز چارواکي د غزني په څلورو ولسوالیو کې د سېلابونو د راوتلو خبر ورکوي او وايي، چې د دغو سېلابونو په پایله کې کروندګرو ته درانه زیانونه اوښتي دي.

په لوګر ولایت کې د اسلامي امارت سیمه ییزو چارواکو اعلان کړی چې په دغه ولایت کې سیلابونو د استوګنې ۶۰ کورونه او سلګونه جریبه کرنیزه ځمکه ویجاړ کړې دي.

د طبیعي پېښو پر وړاندې د مبارزې وزارت ویاند وايي، په تېره یوه میاشت کې د هېواد په یو شمېر ولایتونو کې د سېلابونو او سختو بارانونو له امله ۴۲ تنه مړه شوي دي.

د ننګرهار سیمه ییز چارواکي وايي، د دغه ولایت په اوو ولسوالیو کې باران او ږلۍ کروندګرو او باغ لرونکو ته ډېر مالي زیانونه اړولي دي.

د پروان ولایت د طبیعي پیښو سره د مبارزې ریاست اعلان کړی چې د پروان ولایت په مرکز چاریکار ښار کې د سیلابونو له امله د استوګنې ۳۵ کورونه ویجاړ شوي دي.