د هرات والي او يو شمېر سيمه ييزو مسوولينو او د هرات ولايت علمي او فرهنګي شخصيتونو د پوهنتون د استاد او د هېواد د وتلي علمي او فرهنګي شخصيت مرحوم محمد ناصر رهياب په کور کې وکتل او د هغه له کورنۍ سره يې خپله خواخوږي څرګنده کړه.

د هرات والي نوراحمد اسلام جار د هرات د عامې روغتیا ریاست د اقتصادي او روغتیايي ستونزو پر حل کولو ټینګار کوي او وايي چې په راتلونکي کې به په دغه ولایت کې یو نوی روغتون جوړ شي.

د هرات والي نوراحمد اسلام جار د ایران د اسلامي جمهوریت د سړکونو او ښار جوړونې وزارت له سلاکار سره په کتنه کې په افغانستان کې د لویو پروژو د جوړولو په برخه کې د ایران د همکاریو قدرداني وکړه او دا یې د اړیکو د ښه والي لپاره مهم وباله.

د شیعه ګانو مشرانو او مخورو د هرات له والي شیخ نور احمد اسلام جار سره وکتل، په دې کتنه کې د هرات والي له خلکو وغوښتل چې د مشکوکو پېښو راپور ورکړي.

د شیعه ګانو لسګونو مشرانو او مخورو د هرات له والي سره په کتنه کې د هرات په المهدي جبریل ښارګوټي کې د دوو دیني عالمانو شهادت ته په اشارې سره وویل، د هېواد دښمنان هڅه کوي چې خلک سره ووېشي. 

د هرات مرستيال والي د هغو دوو ديني عالمانو د فاتحې په مراسمو کې چې څو ورځې وړاندې په المهدي جبرائيل ښارګوټي کې شهيدان شوي وو، د دې پېښې د عاملينو د نيولو ژمنه وکړه او ويې ويل چې د دښمن دغه ډول کړنې د دين خلاف دي.

د هرات والي نن ماسپښین ۲ بجې په دیني روغتون کې د هرات د زلزلې له قربانیانو سره وکتل.

د هرات والي نوراحمد اسلامجار غور ولایت ته د یوه سفر په ترڅ کې د دغه ولایت له سیمه ییزو چارواکو، دیني عالمانو او د دغه ولایت د جهادي لېسو له زده کوونکو سره وکتل. ویل شوي، چې دغه ولایت ته د نوموړي د سفر موخه د ستونزو او ننګونو څېړل او د اسلامي امارت لوړ پوړو چارواکو ته سپارل دي.

د هرات والي په هرات کې د ايران د اسلامي جمهوريت له جنرال قونسل سره په کتنه کې د هرات - خواف اورګاډي پټلۍ د پروژې د فعالولو د بهير په چټکتيا باندې ټينګار وکړ او دا يې د دواړو هېوادونو د اقتصادي اړيکو د پراختيا په برخه کې مهمه وبلله.

له طبيعي پېښو سره د مبارزې کمېټې غونډه پرون (دوشنبه، جدی ۱۹) په هرات ولايت کې د سيمه ييزو مسئولينو په حضور کې د بېړنيو حالاتو د څېړلو او ورسره د مبارزې په موخه جوړه شوه. په دې کتنه کې د هرات والي ټينګار وکړ چې ښاريانو ته د غوره خدمتونو وړاندې کول د ولايت مقام له کاري لومړيتوبونو څخه دي او د راتلونکي ژمي لپاره ټول رياستونه بايد جدي چمتووالى ونيسي.