د روسيې د بهرنيو چارو وزارت په افغانستان کې له اړمنو خلکو سره د مرستې په موخه د ٣٣ ټنه خوراکي توکو د لېږلو اعلان کړى دى.

د کډوالو او راستنیدونکو چارو وزارت چارواکي وايي، چې د هېواد په ۱۱ ولایتونو کې پر ۱۲۸۲۴ بې ځایه شویو او په زوره راستنېدونکو کورنیو مرستې وویشل شوې.

د ملګرو ملتونو د بشردوستانه چارو د همغږۍ دفتر (OCHA) اعلان کړی چې په افغانستان کې به تر ۲۰۲۴ کال پورې ۲۳.۷ میلیونه وګړي د ژوندي پاتې کېدو لپاره بشري مرستو ته اړتیا ولري.

په سمنګان، فراه او پروان کې د اسلامي امارت سیمه ییز چارواکي وايي، د خوړو نړیوال پروګرام په دغو ولایتونو کې پر ۴۴۶۳ اړمنو کورنیو خوراکي توکي وېشلي دي.

د کډوالو او راستنیدونکو چارو وزارت چارواکي وايي، چې د دغه وزارت له خوا د هېواد په ۱۵ ولایتونو کې له ۶۹۷۷ بې ځایه شویو او جبري راستنېدونکو کورنیو سره مرسته شوې ده.

د ملګرو ملتونو د ماشومانو وجهي صندوق (یونیسف) ویلي دي چې په ۲۰۲۴ کال کې به په افغانستان کې د ۱۲.۶ میلیونه ماشومانو په ګډون ۲۳.۳ میلیونه خلک بشري مرستو ته اړتیا ولري.

د دوشنبې په ورځ، ملګرو ملتونو په نړۍ کې د جګړو، اقلیم بیړني حالت او اقتصادي بحرانونو د بشري پایلو په اړه خبرداری خپور کړ او د ۱۸۰.۵ میلیون خلکو ته د بشري مرستو رسولو لپاره یې د ۴۶.۴ ملیارد ډالرو بودیجې غوښتنه وکړه.

د غور، بدخشان، خوست، بلخ او جوزجان ولایتونو سیمه‌ییز چارواکي وايي، په ۳۱۹۷ راستنېدونکو او بې‌ځایه شویو کورنیو یې خوراکي او غیر خوراکي توکي وېشلي دي.

په پنجشیر ولایت کې د اسلامي امارت مسؤلین وايي، د ناروې کمیټې په پنجشیر کې پر ۳۴۴۰ اړمنو کورنیو ژمنۍ بشري مرستې وویشل.

د کابل په هوايي ډګر کې د اسلامي امارت د رئیس الوزرا د اقتصادي مرستیال نماینده رسنیو ته ویلي چې د متحده عربي اماراتو ۳۸.۵ ټنه بشري مرستې چې خوراکي توکي، جامې او درمل پکې بار وو، پرون د کابل هوايي ډګر ته راورسېدل.

د ملګرو ملتونو د بشري چارو د همغږۍ دفتر وايي، د افغانستان په یو شمېر ولایتونو کې زلزلې او سېلابونو زرګونه کسان اغېزمن کړي دي. د دغه سازمان د معلوماتو له مخې، په هېواد کې څه باندې ۲۴ میلیونه وګړي عاجلو بشري مرستو ته اړتیا لري.