د سره صلیب نړیوالې کمېټې په دې وروستیو کې په هېواد کې د څښاک د اوبو کموالي ته په اشارې سره ویلي چې د اقلیم بدلون د افغانستان د خلکو لپاره د څښاک اوبو ته لاسرسی ستونزمن کړی دی.

د غزني د کرنې، اوبولګولو او مالدارۍ ریاست چارواکي وايي، په دغه ولایت کې د ۵۴ میلیونه افغانیو په لګښت د اوبو لګولو د ۳۸ پروژو چارې پیل شوې.

د تخار ولایت د کلیو پراختیا ریاست په ورسج ولسوالۍ کې د ۷۰۰ کورنیو او دوه زره زده کوونکو لپاره د ملګرو ملتونو د ماشومانو د وجهي صندوق (یونیسف) په همکارۍ د اوبو رسولو د شبکې د جوړولو اعلان وکړ.

د بدخشان سیمه ییز چارواکي وايي، د دغه ولایت په شکي او نسي ولسوالیو کې د سېلابونو په راوتلو سره د کرنیزو محصولاتو د تخریب تر څنګ د دغو دوو ولسوالیو عامه لاره هم تړل شوې ده.

د جوزجان سیمه ییزو چارواکو د دغه ولایت په مرکز او فیض اباد ولسوالۍ کې د ۱۴۴ زره افغانیو په لګښت د اوبو رسولو د څلورو شبکو د جوړولو د کار د پیل خبر ورکړ.

د څښاک د پاکو اوبو د کمښت په اړه د پلازمېنې د یو شمېر ښاریانو له شکایتونو وروسته د ښاري چارو کارپوهان وايي، که په کابل ښار کې د نړیوالو معیارونو سره سم د اوبو رسولو پروژې پیل نه شي، ډېر ژر به ښاریان او حکومت د یوه ناورین شاهدان وي.

د کندهار د سپين بولدک ولسوالۍ د اوسېدونکو لپاره د څښاک د اوبو رسولو کانال د ١٥ ميليونه افغانيو په لګښت د دې ولسوالۍ د ښاروالۍ له خوا پرانيستل کیږي.

د اسلامي امارت د انرژی او اوبو وزارت ویاند وایي، د اوبو رسولو د پروژو د بشپړولو لپاره د بودیجې نشتوالی یوه اساسي او بشري ستونزه ده او له نورو مؤسسو او هیوادونو څخه هم غوښتنه کوو چې د دې پروژو په بشپړولو کې له اسلامي امارت سره همکاري وکړي.