د اسلامی امارت د بهرنیو چارو وزارت د یوې بیانیې په خپرولو سره په صهیونیسټ رژیم د ایران د اسلامی جمهوریت حملې یو مشروع دفاعی اقدام وباله.

پاکستاني چارواکو د دغه هیواد په دریو ایالتونو کې د سختو بارانونو او د بریښنا له امله د لږ تر لږه ۲۴ تنو د وژل کیدو خبر ورکړی دی.

د بدخشان ولايت د اطلاعاتو او کلتور رييس وايي چې د سروېګانو له مخې د بدخشان ولايت د سيمه ييزو موزيمونو د ليدونکو په شمېر کې پنځوس سلنه زياتوالى راغلى.

د روسیې د بهرنیو چارو وزارت اعلان وکړ چې د فلسطین په اشغال شوې خاوره کې پر هدفونو د ایران برید د ځان د دفاع او د ملګرو ملتونو د منشور د ۵۱ مادې پر بنسټ په سیمه کې پر ایراني اهدافو د بریدونو په غبرګون او په دمشق کې د ایران پر کونسلګرۍ باندي د برید په غبرګون کې شوي دي. د روسیی د بهرنیو چارو وزارت همداراز زیاته کړي چې په سیمه کې د خطر د زیاتیدو په اړه ...

په بغلان او بدخشان ولایتونوکې د اسلامی امارت سیمه ایز چارواکی وایی چې په دغو ولایتونو کې د ترافیکی پیښو په پایله کې اته تنه مړه او اته تنه نور ټپیان شوی دی.

د اسلامي امارت د ملي دفاع وزارت اعلان کړی چې د کندهار د هوايي ځواک لوا په سېلاب کې ایسار دوه تنه ژغورلي دي. له بلې خوا په بادغیس کې چارواکي خبر ورکوي چې د یوې کورنۍ غړي یې له سیلاب څخه ژغورلي دي.

د نړۍ مختلفو هیوادونو د صهیونیسټ رژیم په وړاندې د ایران د اسلامی جمهوریت د پراخو توغندیو او بې پیلوټه الوتکو د حملو په وړاندې غبرګون ښودلی او د مینځنی ختیځ د عمومی وضعیت په اړه یې اندیښنه ښودلې ده.

په پنجشېر او اروزګان ولايتونو کې د اسلامی امارت سيمه ييز چارواکي وايي، چې په يادو ولايتونو کې د سېلابونو له امله درې تنه مړه او ستر مالي زيانونه اوښتي دي.

په هرات کې د اسلامی امارت د بهرنیو چارو د وزارت دنمایندګي مرستیال د صهیونیسټ رژیم پرضد د ایران دحملو له پیلولو وروسته په خپله ایکس پاڼه کښې ولیکل مونږ په اسرائیلو باندې د ایران د بریالیتوب دعا کوو.

د استرالیا په سیډني ښار کې په یوه سوداګریز مرکز کې د چړې د برید د قربانیانو شمیر ۶ تنو ته لوړ شوی دی.

د سرپرست حکومت ویاند په درېیو هېوادونو: ازبکستان، قزاقستان او اذربایجان کې د نویو سفیرانو د ټاکلو اعلان وکړ.

ځینو رسنیو ادعا کړې چې د پرتګال د تیلو یوه بیړۍ د متحده عربي اماراتو له الفجیره بندر څخه ۵۰ کیلومتره لرې نیول شوی دی.

د کورنیو چارو وزارت ویاند وايي، په کابل ښار کې تر ۸۰ زره ډېرې امنیتي کمرې نصب شوي او د دغو کمرو په وسیله توانېدلي چې د ډېرو جنايي پېښو مخه ونیسي.

د استرالیا د پولیسو چارواکو اعلان کړی چې د سیډني ښار په یوه سوداګریز مرکز کې د چړي او ډزو وروسته څو تنه وژل شوي او ټپیان شوي دي.

د جرمني د دفاع وزیر ویلي چې اروپا باید د روسیې د لوی برید لپاره ځان چمتو کړي.

د پاکستان پولیس وايي، د پاکستان په بلوچستان ایالت کې پر یوه مسافر وړونکي بس د نامعلومو وسله والو په برید کې ۱۱ تنه وژل شوي دي.

د خراسان رضوي په ختیځ کې د تایباد د حیواني روغتیا ادارې مشر وايي، تېر کال د دې ولسوالۍ د دوغارون له رسمي پولې څخه و افغانستان ته ۶۴ ټنه حیواني درمل صادر شوي وو.

د کانونو او پټرولیم وزارت ویاند وايي، د شبرغان-مزار شریف د ګازو د لېږدولو د نل لیکې د څه باندې سل کیلومتره غځولو کار ۶۰ سلنه بشپړ شوی دی.

د اسلامي امارت د عدلیې وزارت سرپرست په خپله نوې وینا کې وویل چې موږ د جمهوري ریاست په دوره کې په افغانستان کې د ځمکو د غصب تر ټولو لوړه کچه لیدلې او خبرداری یې ورکړ چې دا وزارت به د ټولو ځمکو د غاصبینو پسې ګرځي.

د قطر په پلازمینه دوحه کې د افغانستان سفارت اعلان کړی چې د دغه سفارت مشر او په دغه ښار کې د اسلامي امارت د سیاسي دفتر مشر هم د اسلامي امارت د سیاسي دفتر د حماس د مشر د اولادونو او لمسیانو د فاتحې په مراسمو کې ګډون وکړ.