د اسلامي امارت مشر ملا هیبت الله اخندزاده په خپله وروستۍ وینا کې ویلي دي چې د لویدیځ له خوا د بشري حقونو د برابرولو له ادعا سره سره په فلسطین کې د مسلمانانو نسل وژنه روانه ده.

د کابل ښاروالۍ چارواکي وايي، د پلازمېنې په ۲۲مه ناحیه کې ۵۵۰۰ متره مربع ځمکه له اداري طرزالعملونو وروسته بېرته نیول شوې ده. د چارواکو په وینا په کابل کې د غصب شویو دولتي ځمکو د بېرته راګرځولو لړۍ دوام لري.

د اسلامي امارت مشر ملا هبت الله اخندزاده د حکومت د نصاب کمېټې ته امر کړی، چې د پوهنتونونو او ښوونځیو د نوي علمي او تحصیلي نصاب د چمتو کولو بهیر چټک کړي.

اسلامي امارت وايي، له تېرو دوو ورځو راهیسې د دولت د وزیرانو شورا غونډه په کندهار ولایت کې د ملاهبت الله اخندزاده په مشرۍ جوړه شوې وه.

د پکتیا ولایت نوی والي مولوي مهر الله حماد چې د اسلامي امارت د مشر ملا هبت الله اخندزاده له خوا په دې پوست ټاکل شوی و، خپلو کارکوونکو ته یې معرفي او په کار یې پیل وکړ.

ذبیح الله مجاهد وايي چې د اسلامي امارت مشر ملا هیبت الله اخندزاده د کندهار ولایت د عینو مېنې له ۳۵۰ بستریز روغتون څخه لیدنه وکړه.

سترې محکمې په هېوادوالو د قبالو د وېش اعلان وکړ او ويې ويل چې د اسلامي امارت د رهبرۍ په حکم د قبالو د وېش لړۍ پيل شوې ده.

د افغانستان د اسلامي امارت مشر په یوه نوي فرمان کې د هېواد د سوداګرۍ او صنایعو د ودې لپاره د لازمو اسانتیاوو د رامنځته کولو غوښتنه کړې ده.

د اسلامي امارت د لوړو زده کړو وزارت سلاکار مولوي عبدالجبار په دې وروستیو کې ویلي، چې د هېواد په پوهنتونونو کې د ښځینه محصلینو د منلو لپاره زمینه برابره شوې ده، خو د اسلامی امارت د مشر ملا هبت الله اخندزاده د پرېکړې په تمه دی.

د اسلامي امارت ویاند ذبیح الله مجاهد وايي چې د اسلامي امارت مشر ملا هبت الله اخندزاده د ولایتونو د اطلاعاتو او کلتور رئیسانو ته ویلي چې د اسلامي شریعت پلي کول باید په لومړي ګام کې وي.

رویټرز خبري آژانس د یوې باخبرې سرچینې په حواله راپور ورکړی چې د قطر لومړي وزیر شیخ محمد بن عبدالرحمن آل ثاني افغانستان ته د خپل وروستي سفر په ترڅ کې د اسلامي امارت له مشر ملا هبت الله اخندزاده سره د سولې د هوکړې په اړه کتلي او د اسلامي امارت او نړیوالې ټولنې تر منځ ترینګلتیا، د ښځو پر تعلیم او کار بندیز او یو شمېر نورو مهمو موضوعاتو محرمې ناستې او ...

د اسلامي امارت د ویاند ملا هبت الله اخندزاده په حکم د اسلامي امارت د ویاند مرستیال قاري محمد یوسف احمدي د حکومت د اطلاعاتو او رسنیو د مرکز د نوي رئیس په توګه ټاکل شوی دی.

د اسلامي امارت مسؤلین وايي، د هبت الله اخندزاده په هدایت په اساس د سوداګرو، صنعتکارانو، د پوهنې د مسؤلینو، پوهنتونونو او خصوصي سکتور د مالیاتي ستونزو د حل په موخه یوه کمېټه جوړه کړې ده.

ستره محکمه وايي، د اسلامي امارت د رهبرۍ او د هېواد د قاضیانو د حکم پر بنسټ د کوچني اختر په مناسبت د هېواد له زندانونو څخه ۲۴۶۰ تنه بندیان ازاد شوي او ۴۷۱ تنه نور بندیان به خوشي شي.

د اسلامي امارت مشر ملا هبت الله اخندزاده په یوه غږیز ټیپ کې چې تېره ورځ (چهارشنبه، حمل ۲۳) د حکومت د ویاند ذبیح الله مجاهد له لوري خپور شو، یو ځل بیا قاضیانو ته د عدالت د تامین او د ظلم او بې عدالتۍ پر وړاندې د مبارزې په اړه وینا وکړه او د حضرت علی (ع) څخه په الهام اخېستلو سره تاکید وکړ او ویې ویل: بې انصافی به هېواد تباه کړی.

د باميان ولايت د امنيې قوماندانۍ له نشه يي توکو سره د مبارزې مديريت مسوولين وايي، چې د تېر کال په اوږدو کې يې شاوخوا ٣٠ زره کيلوګرامه بېلابېل ډول نشه يي توکي راټول کړي دي.

د کورنیو چارو وزارت وايي، د اسلامي امارت د مشر مولوي هبة الله اخندزاده د نوي فرمان پر بنسټ په ټول هېواد کې تور ښیښې او سټیکر لرونکي موټرونه منع شوي دي.

په هېواد کې د کوکنارو د کروندو تر له منځه وړلو وروسته د کورنیو چارو وزارت وايي، چې په لغمان، بغلان، فراه او اروزګان ولایتونو کې له نشه يي توکو سره د مبارزې منسوبینو څه باندې ۴۰ جریبه ځمکه د کوکنارو له کښت څخه پاکه کړې ده.

د اسلامي امارت مشر ملا هبت الله اخندزاده د روژې د مبارکې میاشتې په مناسبت د کندهار او هلمند ولایتونو له زندانونو څخه د ۷۰ تنو بندیانو د خلاصون امر کړی دی.

په دولتي ادارو کې د اسلامي امارت د مسؤلینو د زامنو او خپلوانو د لیرې کولو په اړه د اسلامي امارت د رهبري هیئت د فرمان وروسته د جوزجان مرستیال والي مولوي ګل محمد سلیم خپل زوی له دندې لیرې کړ.