په افغانستان کې د نشه يي توکو او جرمونو پر وړاندې د ملګرو ملتونو دفتر د کوکنارو د کرکيلې پر وړاندې د بديل معيشت ملاتړ اړين بولي او وايي، چې په افغانستان کې د نشه يي توکو د کښت کموالى د ډېرو کروندګرو د عايد له لاسه ورکولو په معنا دى.

د کورنيو چارو وزارت د نشه يي توکو پر وړاندې د مبارزې معين تخار ته د خپل سفر په ترڅ کې وويل، هغه څوک چې په نيم جريبه ځمکه کې کوکنار وکري، په شپږو مياشتو بند به محکوم شي.

د کرنې، اوبولګولو او مالدارۍ وزارت چارواکي وايي، چې د کرنې وزارت مرستیال مولوي عثماني د نوي مالي کال د اړتیاوو د ارزونې او د بودیجې د تخصیص په ځانګړې غونډه کې وویل، چې اوس په هېواد کې د کوکنارو کښت شتون نه لري او د کروندګرو بدیل ته وده ورکولو ته اړتیا ده.

د ملګرو ملتونو له نشه يي توکو او جرمونو سره د مبارزې دفتر وايي، په افغانستان کې د کوکنارو د کښت د بدیل موندل ډېر وخت او ډېرو بحثونو ته اړتیا لري.

د اسلامي امارت د کورنیو چارو وزارت د نشه یي توکو پر وړاندې د مبارزې معین ملا عبدالحق اخند په کابل کې د جاپان سفارت له شارژدافیر سره په کتنه کې له نشه یي توکو سره د مبارزې په برخه کې د جاپان د همکارۍ غوښتنه وکړه.

د اسلامي امارت د کرنې، اوبولګولو او مالدارۍ وزارت مرستیال مولوي چانسلر عثماني د ملګرو ملتونو د پراختیايي پروګرام له مرستیال سره په کتنه کې وویل چې نړیوالو موسسو د کوکنارو د بدیل کښت په برخه کې د افغانستان له کروندګرو سره هیڅ ډول رښتینې همکاري نه ده کړې. نوموړي د کوکنارو د بديل کښت د بدلولو په موخه له کروندګرو سره د بنسټونو د رښتينې همکارۍ غوښتنه وکړه....

د بهرنیو چارو وزارت سیاسي مرستیال د ملګرو ملتونو د خوراک او کرنې سازمان له مرستیال او ورسره ملګري پلاوي سره په کتنه کې وویل، ملګري ملتونه باید د کوکنارو د کرکیلې د بدیل په خاطر له اسلامي امارت سره همکاري وکړي.

په هېواد کې د نشه يي توکو د کښتونو د له منځه وړلو له پروسې وروسته د کورنيو چارو وزارت چارواکي وايي، چې د پکتيکا ولايت د نشه يي توکو پر وړاندې د مبارزې پوليسو څلور سوه جريبه ځمکه د کوکنارو له کښت څخه پاکه کړې ده.

د خوست سیمه ییز چارواکي وايي، د دغه ولایت د نشه يي توکو پر وړاندې د مبارزې پولیسو د موسی خېلو ولسوالۍ په ګوبر سیمه کې ۳۰ جریبه د چرسو کښت له منځه وړی دی.

د بدخشان امنيتي چارواکي وايي، چې په تېرو درېيو مياشتو کې يې د دغه ولايت په مرکز او ولسواليو کې څلوېښت زره جريبه ځمکه له کوکنارو پاکه کړې ده.

د میدان وردګ ولایت سیمه ییز چارواکي وايي، د دغه ولایت له نشه يي توکو سره د مبارزې ریاست چارواکو په نرخ او جلریز ولسوالیو کې ۴۶ جریبه ځمکه د کوکنارو او چرس له کښت څخه پاکه کړې ده.

د اسلامي امارت د بهرنیو چارو وزارت له نشه يي توکو او جرمونو سره د مبارزې په اړه د ملګرو ملتونو د دفتر د راپور په اړه غبرګون ښودلی او ویلي یې دي، چې د دغه راپور ځینې برخې له حقیقته لرې دي، ځکه اسلامي امارت له نشه یي توکو سره جدي مبارزې ته ژمن دی.

د بدخشان سیمه ییز چارواکي په دغه ولایت کې د کوکنارو د کښتونو د له منځه وړلو له دوام څخه خبر ورکوي، دوی وايي چې د دغه ولایت په ارګوې ولسوالۍ کې ۱۱۲ جریبه ځمکه له کوکنارو پاکه شوې ده.

د بدخشان امنیتي چارواکو د دغه ولایت په مرکز کې د ۱۲۳ جریبه ځمکې د کوکنارو د پاکولو اعلان وکړ.

د افغانستان په چارو کې د امریکا ځانګړی استازی توماس ویست وايي، د اسلامي امارت د پالیسیو له امله د کوکنارو په کښت کې د پام وړ کموالی په اړه راپورونه د اعتبار وړ او مهم دي.

د تخار ولایت امنیتي چارواکي وايي، په تېره یوه میاشت کې یې په دغه ولایت کې ۷۵۰۰ جریبه ځمکه له کوکنارو پاکه کړې ده.

د کورنیو چارو وزارت چارواکي وايي، د نشه يي توکو پر وړاندې د مبارزې پولیسو د کوکنارو د کښتونو د له منځه وړلو له پروسې وروسته په بدخشان، پروان، سمنګان، بغلان، لغمان او کنړ ولایتونو کې د بېلابېلو عملیاتو په ترڅ کې له ۸۰۰ جریبه زیات کوکنار له منځه وړي دي.

د تخار ولايت امنيتي چارواکي وايي، چې په تېره يوه اوونۍ کې يې د دغه ولايت په مرکز او ولسواليو کې څه باندې ٩٠٠ جريبه ځمکه له کوکنارو پاکه کړې ده.

د کورنیو چارو وزارت وايي، چې د دغه وزارت له نشه يي توکو سره د مبارزې پولیسو په بدخشان، تخار، ننګرهار، کندز، فاریاب، لغمان، کاپیسا، لوګر، سمنګان، دایکندي او هرات ولایتونو کې څه باندې ۸۳۰ جریبه ځمکه د کوکنارو له کښت څخه پاکه کړې ده.

د بدخشان ولايت سيمه ئيزو مسوولينو په دغه ولايت کې دکوکنارو دله منځه وړلو لپاره دځانګړي پلان دجوړولو خبر ورکړى دى او وايي چې ددغه عملياتو په لومړۍ ورځ ٧٠ جريبه ځمکه له کوکنارو پاکه شوې ده .