د پاکستان د بهرنیو چارو وزارت ویلي دي چې د دغه هیواد د بهرنیو چارو د وزارت استازي رحیم حیات قریشي او د چین د بهرنیو چارو د وزارت استازي یوشیاو یونگ په یوه کتنه کې د اسلام آباد او بیجینګ پر ژمنو ټینګار وکړ د یو سوله ایز او باثباته افغانستان لپاره.

د کندهار ولایت د اطلاعاتو او کلتور ریاست چارواکي وايي، په دغه ولایت کې د اسلامي امارت ځواکونو د افغانستان د پخواني حکومت د کابینې غړی ګل اغا شیرزی له سیلاب څخه ژغورلی دی.

په افغانستان کې د ملګرو ملتونو د ماشومانو وجهي صندوق (یونیسف) اعلان کړی چې سږ کال په پام کې لري د ماشومانو په ګډون ۳،۶ میلیونه خلکو ته د چاودیدونکو توکو د خطرونو په اړه پوهاوی ورکړي.

د افغانستان لپاره د ازبکستان ځانګړي استازي او د افغانستان او پاکستان لپاره د بریتانیا استازي د دوحې د راتلونکې غونډې په اړه چې د افغانستان د مسئلې په اړه جوړېږي، خبرې اترې وکړې.

پاکستاني رسنیو د افغانستان د سرپرست حکومت د چارواکو په حواله خبر ورکړی، چې کابل به د یو شمېر ګاونډیو هېوادونو د ځانګړو استازو د غونډې کوربه وي.

د افغانستان د المپیک ملي کمېټې د «سوپر ساباکي» په برخه کې د یوروشیا د سیالیو په څلورم پړاو کې د هېواد د ملي لوبډلې د اتلولۍ مقام اعلان کړ.

د رئیس الوزرا سیاسي مرستیال مولوي عبدالکبیر په افغانستان کې د ناروې سفارت له شارژدافیر سره په کتنه کې وویل چې اسلامي امارت د نړۍ له ټولو هېوادونو سره د ښو اړیکو غوښتونکی دی. هغه همداراز ټینګار وکړ چې TTP په افغانستان کې ځای نه لري او داعش د انسانیت د دښمن په توګه ځپل شوی دی.

د بهرنیو چارو وزارت سیاسي مرستیال په کابل کې د اروپايي ټولنې له شارژدافیر سره په کتنه کې له افغانستان سره د روغتیا، پوهنې او د زیربناوو د جوړولو په برخو کې د اساسي مرستو غوښتنه وکړه.

یو شمېر چینايي سوداګرو په اسلام آباد کې د افغانستان د سفارت له مشر سره په کتنه کې ویلي چې غواړي په افغانستان کې د لمریزې برېښنا د تولید په برخه کې ۵۰۰ میلیونه ډالره پانګونه وکړي.

جیمز آیوري، مشهور ډایرکټر او تر ټولو زوړ کس چې د اوسکار جایزه یې ګټلې، د 95 کلونو په عمر کې افغانستان ته د 1960 کال د سفر په اړه فلم جوړوي.

د افغانستان او پاکستان د سوداګرۍ د ګډې خونې چارواکي وايي، پاکستان ټولې سرحدي لارې د افغان سوداګرو مالونو پر مخ تړلي دي.

د افغانستان لپاره د ملګرو ملتونو ځانګړي وجهي صندوق (UN_STFA) وايي، ډنمارک له افغانستان سره ۶،۲ میلیونه ډالره مرسته کړې ده.

د کډوالو په چارو کې د ملګرو ملتونو عالي کمېشنرۍ له اسلامي پراختیايي بانک سره درې هوکړه لیکونه لاسلیک کړل.

د مهاجرینو او راستنیدونکو چارو وزارت سرپرست خلیل الرحمن حقاني د "پکتیا د جهادي مکتب" د فراغت په مراسمو کې وویل چې اسلامي امارت به په افغانستان کې له اسلامي نظام پرته بل نظام ته اجازه ورنکړي.

اسلامي پراختیايي بانک په افغانستان کې د خوراکي توکو د خوندیتوب او د روغتیا او پوهنې په برخه کې له مرستندویه موسسو سره د ۲۴.۶ میلیونه ډالرو په ارزښت د څو پروژو تړونونه لاسلیک کړل.

د برتانیا د پوځ لوی درستیز جنرال سر پاټریک سانډرز د دغه هېواد پخوانیو پوځیانو ته امر کړی چې د برتانیا د ځانګړو ځواکونو له خوا د لسګونو افغانانو د وژل کېدو په اړه د ادعاوو په څېړلو کې همکاري وکړي.

د کورنیو چارو وزارت سرپرست سراج الدین حقاني په پکتیا ولایت کې د یوه جومات د پرانستې په مراسمو کې وویل، په داسې حال کې چې بهرنیان دوی د هېواد ورانوونکي بولي؛ خو اسلامي امارت د پرمختيايي پروژو په پيلولو سره وښودله چې د هېواد «جوړونکي» دي.

په افغانستان کې د ملګرو ملتونو د بشري مرستو د همغږۍ دفتر (OCHA) وايي، سره له دې چې افغانستان د اقلیم د بدلون له امله سخت زیانمن شوی، خو د نړۍ د شنو خونو ګازونو یوازې ۰.۰۸ سلنه تولیدوي.

د افغانستان، پاکستان او ازبکستان ترمنځ درې اړخیزه سوداګریزه غونډه د سې شنبې په ورځ د عقرب په ۲۳مه د اسلام اباد په ښار کې جوړه شوه او د درې اړخیزو سوداګریزو او ټرانزیټي همکاریو سند لاسلیک شو.

پاکستاني رسنیو خبر ورکړی، چې له دغه هېواد څخه د افغانستان واردات دوه پر درېیمه زیات شوي او ۷،۳ میلیارد ډالرو ته رسېدلي دي.